Sjabloon:Woeardebook:Gedicht van Har Sniekers in het Thoears

Gedicht van Har Sniekers, samengesteld voor en voorgedragen bij gelegenheid van de presentatie van het "Thoears klankmetje"

Mien Moderstaal

Laat ós toch poear in plaats van prei blieve koupe
en mèt de wichter neet aan het handje mer aan het hendje loupe
Sjónk blieve aete in plaats van ham
en geine stroop mer sjroeap smieëre oppe bótram

Haose zeen zoeaväöl wermer es handschoenen
en ein muulke gaeve klinktj toch sjoeaner es zoenen
Óm vuuer te laeze pakke wae gein boekje mer ein beukske
en de kleine kriegtj gein koekje mer ein keukske

Bès se kwaod ... den rope wae ein ganse litanie
mer ”stómme achteruuever’’, ”prengel” en ”klöppel” huuere ouch d’r bie
Bès se get verlaege of ein bietje verwaandj
den zègke ze ”bluue” of ”kiek dao dae gaantj”

Zoea kan ich nog ore door blieve gaon
’t kumtj allemaol in oos book te staon
Mer baeter den in ein book biejein gebrach
is det het – wie ’t zoea oetkumtj- nog edere daag weurtj gezag

Har Sniekers